اٹک: سالار چوک کے قریب فائرنگ، 58 سالہ شخص جاں بحق، پولیس کی تحقیقات جاری اٹک (محمد اعجاز، بیورو رپورٹ جہانِ سچ نیوز) اٹک کے علاقے سالار چوک، مسجد ذکریا کے قریب افسوسناک واقعہ پیش آیا جہاں نامعلوم افراد کی فائرنگ کے نتیجے میں 58 سالہ شخص جاں بحق ہو گیا۔ڈیلی جہان سچ نیوز ستارزیب مردان
اٹک: سالار چوک کے قریب فائرنگ، 58 سالہ شخص جاں بحق، پولیس کی تحقیقات جاری
اٹک (محمد اعجاز، بیورو رپورٹ جہانِ سچ نیوز)
اٹک کے علاقے سالار چوک، مسجد ذکریا کے قریب افسوسناک واقعہ پیش آیا جہاں نامعلوم افراد کی فائرنگ کے نتیجے میں 58 سالہ شخص جاں بحق ہو گیا۔
تفصیلات کے مطابق جاں بحق ہونے والے شخص کی شناخت محمد اسد ولد صادق، سکنہ ضلع شانگلہ کے نام سے ہوئی ہے۔ ابتدائی اطلاعات کے مطابق نامعلوم مسلح افراد نے فائرنگ کی، جس کے نتیجے میں محمد اسد شدید زخمی ہو گیا اور زخموں کی تاب نہ لاتے ہوئے موقع پر ہی دم توڑ گیا۔
واقعے کی اطلاع ملتے ہی ریسکیو 1122 اٹک کی ایمبولینس فوری طور پر جائے وقوعہ پر پہنچ گئی۔ ریسکیو اہلکاروں نے موقع پر پہنچ کر متاثرہ شخص کا طبی معائنہ کیا، تاہم وہ جانبر نہ ہو سکا۔
واقعے کی اطلاع ملنے پر پولیس بھی موقع پر پہنچ گئی اور جائے وقوعہ کا معائنہ کرتے ہوئے شواہد اکٹھے کیے۔ پولیس نے ابتدائی تحقیقات کا آغاز کر دیا ہے، جبکہ فائرنگ کے اصل محرکات اور ملوث افراد کے حوالے سے مختلف پہلوؤں سے تفتیش جاری ہے۔
پولیس کارروائی مکمل کرنے کے بعد جاں بحق شخص کی نعش کو ڈسٹرکٹ ہیڈ کوارٹر ہسپتال اٹک منتقل کر دیا گیا، جہاں قانونی کارروائی مکمل کی جائے گی۔
علاقہ مکینوں نے مطالبہ کیا ہے کہ واقعے میں ملوث ملزمان کو جلد گرفتار کر کے قانون کے مطابق کارروائی عمل میں لائی جائے تاکہ متاثرہ خاندان کو انصاف فراہم ہو سکے۔
رپورٹ: محمد اعجاز
بیورو رپورٹ جہانِ سچ نیوز، اٹک
